Dario Morani - da "Puesia dla mè Pavia" - 1976
L'ann növ
Stanot gnarà l'ann növ
gh'è festa da par tüt
ma scaciarà i rub brütt'?
Qual gh'è dré 'ndà pürtrop
'l na fat rived i guèr
'gh'è 'mmò sü tanti tèr.
Evviva l'ann ca végna
vöram urmai sperà
cäl porta ad la buntà
En tanti quai ch'un vist
pien da speransa al cör
ma mai me qual ch'as vör.
Spetumal in silensi
guardand al mar d'argent
tant tüt finissa in gnent