Paride Sollazzi  -  da "Am vegna sempr'in ment"

Al nòs Tesin

 

 

L'è chi un po'd temp ca legi in ti giurnal

che gh'è dla gent propi sensa vargogna

cla vuraris spurcà 'l nòs bel canal

e trasfurmà 'l Tesin in una fogna.

 

Al nos Tesin cun l'acqua verdesina,

al pussè bel di tüt i fiüm dal mond

c'al mustra in trasparensa, fina fina,

la sabbia dora e i pès d'argent in fond.

 

Sa gh'è una roba bèla a cal mond chì

i mal intensiunata gh'la metan tüta:

i trafican, î armegian not e dì,

par fà in manera cla diventa brüta.

 

Cun tüta la spurchisia agh gum in gir

ca pö salvà 'l Tesin gh'è d'ma San Sir.