Pina Trentani  -   da  "Pavia dal mè coer"

SANT' INVENT

 

 

Davanti a Sant' Invent, incòe Gervas,

gh'era piantà un bèl ulam in s'al prà.

Al so tronch l'era gross, un po' scavà,

disivan che i fiulin nassivan lì.

 

Inturan stu pianton gh'era la gioia!

Cui me amis rugavi in tal büson

par vèd sa gniva foera par dabon

un quai — tue — o un quai manin cui ong.

 

L' ulam al dava l'ombra di so frasch

e nüm, sparpai, cuntent da vèss al mond

in alegria 'gh favm'al giro tond,

sperand da purtà ca quaicoss ad viv.

 

E viv l'è un mo 'l ricord in d'la mè ment

ad l' ulam veg e gross ad Sant' Invent.