di Angelo Ferrari    da " CANSON DLA MÉ CITÁ"

PORA VEGIA

 

Adess che un cicc la s'è mudificà

Pavia as sa la voeu ringiuvanì.

La smiciaran insì quei ca gnarà?

Mi quanto a quel savariss no se di'.

E che felicità in di occ sa g légia!

Vedi no ma la brila? Pora vegia . . .

 

Duvarissan uramai complimentala

cia s'è rinuvà s' disa un fargüijn.

L'è verità questa l'è no una bala,

guardè 'l Pont Noeuv e la cità giardin

e i bei butegh con l'illüminassion

a la sira in sal Curs, la confiision . . .

 

Suldà, stüdent, giurnal, mila scenett

e smagg interessant, buton lüsent,

dumila bar e un nivul ad zabett.

E l' Üniversità, i stabiliment,

di stüdentess püssè che brasca füm,

quèla ca s' dis la fed ad bon custüm.