Angelo Gambini  -  da "Sunèt e quartin in dialèt paves"  -  1993

Pavesità

So nò che roba l'è "pavesità".
Na parla tanta gent tiranda in bal
i Marici, Alboino e l so caval
e l'Opicino, l'Università,
Gianei Visconti, cruch, frances, spagnò,
i lavander, la gera e i mutajo.

"Cla roba li" risponda dl'altra gent
"lasela perd. fé no gni car al pàn;
l'è nustalgia da cal temp luntàn
che l’er nanca bel un cic... metevel in ment".
L'è vera ma però, fo nò par di,
da quarant'ann g ho ados cla roba li.

M la senti quand vo in gir pr una quai streta
in tal nebion ca l quata Ces e piass,
quand fiòca insima i tec ad Burgh a Bass,
sa m godi al ciaciarà d'una asceta
dal mé Canal che in ver al Po s na và
a cuntagh su la storia d la cità.

Davanti ai tur ca gh disan ai rundon
am l’er cincent ann fa la me Pavia,
sarò un bursan malà un pò d nostalgia
ma m senti par la vita i sgrisuolon.
Tut quel c ho scrit magari l'è sbaglià
ma questa l'è la me pavesità.