Pina Trentani - da "Pavia dal mè coer"
-
ARMUNIA 'D PAVIA
Sempar püra, perfèta l'armunia
la ga i so bon mutiv da sta a Pavia.
La vegna foera ciara dal Tesin,
ariusa tra i batag 'nsi campanin,
la spazia cui splendur ad la matina
fina ai undà luntan ad la culina.
L'esalta 'l russ dal pont e dal castel,
l'ardur di tur, al rüstigh dal quadrel.
La va mata pri Cés, pri
antichità,
pri funtanin cerus e i veg cuntrà,
pr' al cüpulon dal Doni: una delizia
invidià dai magagn ad l'edilizia.
Se 'l fèr batü 'l rutonda un pugiulin
la ga coer da fermass a fagh l' inchin.
Arenta 'l munüment ad la
Minèrva
la stopa i occ, quand l'è luntan ja dérva.
Tirenta, grisa 'l brass armà la Dea
la par un stocafiss, però las bea
dal Scipio ch' al ga schissa al gran talent
e 'l ga scenda püplin e sentiment.
L'armunia stremi, par ciapà fià,
la sghibbia in ti barcè, las fa ninà,
scherzand cui giogh ad lüs, la speta sira
temp bèi o brütt intarit che 'l mond al gira.
Un cittadin famus cu 'l lanternin
al ga tegna luntan anca i muschin.
