Pina Trentani  -   da  "Pavia dal mè coer"

 

AL PRESEPI

Nadal l'è chi cu'l duls di so turon,
cui sofic murbidèss di paneton,
cun l'or di partügai, di mandarin,
cui desideri alegar di fiulin.

In ogni cà 'l presèpi l'è un event,
al sa prepara tegnend ben a ment
indè chi vän i caruvan, la tèpa,
i muntagn ad marogn e legna s-cèpa,
la stèla, la capana cu'l Bambin
l'asin, al boe, la grepia, i pegurin.

Un toch da speg l'è l'acqua dal laghètt
ciar ad lüs, verd ad pàlam, bianch d'uchètt.
La Madona las mèta in genucion
e San Giusèp arenta cu'l baston,
spars i pastur e, in fila pri senté,
quai cun la piva, i don e i fioè dadré.

Quand tüt è pront as céndan i lümin
e's fa girà la roeda dal mülin.
A mesanott, lüsent, Gesù Bambin
anca in ti coer al truvarà 'l cünin.